Katibu Mkuu wa Umoja wa Mataifa Ateua Mratibu Mkazi Mpya wa Umoja wa Mataifa nchini Tanzania

Katibu Mkuu wa Umoja wa Mataifa Antonio Guterres amemteua Susan Ngongi Namondo wa Cameroon kuwa Mratibu Mkazi wa Umoja wa Mataifa nchini Tanzania, kwa idhini ya Serikali mwenyeji, tarehe 1 Novemba 2024.

Kwa hivi karibuni Bi. Ngongi Namondo aliwahi kuwa Mratibu Mkazi wa Umoja wa Mataifa nchini Uganda kuanzia 2021-2024. Kabla ya hapo, aliwahi kuwa Mratibu Mkazi wa Umoja wa Mataifa na Misaada ya Kibinadamu nchini Eritrea kuanzia 2017-2021.  

Kabla ya kujiunga na Mfumo wa Mratibu Mkazi, aliwahi kuwa Mwakilishi wa UNICEF nchini Ghana (2013-2017) na Comoro (2010–2013), na pia katika nyadhifa mbalimbali kama Mtaalamu wa Mpango wa Dharura katika UNICEF.  

Bi. Ngongi Namondo ana shahada ya uzamili katika utawala wa umma kutoka Chuo Kikuu cha Columbia, shahada ya uzamili ya afya ya wanyama kutoka Chuo Kikuu cha Reading, na shahada mbili zingine kutoka Chuo Kikuu cha Maryland katika afya ya wanyama na serikali na siasa.

*This announcement was originally made on the United Nations Development Coordination Office website.