Simulizi

Norway Yatangaza kuchangia TZS26.4 bilioni ili Kuharakisha Malengo ya maendeleo endelevu (SDGs) nchini Tanzania

23 Machi 2023

Maelezo mafupi: Bjørg Sandkjær, Norwegian Secretary for International Development (center), Elisabeth Jacobsen, Norwegian Ambassador to Tanzania (left) and Mr. Zlatan Milisic, United Nations Resident Coordinator in Tanzania, during the signing ceremony.

© UN Tanzania/Istan Mutashobya Chanzo cha Picha

Norway yakubali kutoa TZS 26.4 bilioni katika Mfuko mpya wa Kuongeza Kasi ya Malengo ya Maendeleo Endelevu Tanzania (SDG)

Norway imetangaza kuchangia kiasi cha NOK 120 milioni (TZS 26.4 bilioni) Katika Mfuko wa Kuongeza Kasi katika Malengo ya Maendeleo Endelevu, SDG, unaolenga kuharakisha Maendeleo nchini Tanzania. Mchango huo ulitolewa na Ubalozi wa Kifalme wa Norway na Umoja wa Mataifa nchini Tanzania kusaidia maendeleo ya kijamii na kiuchumi nchini. Mfuko wa Kuongeza Kasi Malengo ya Maendeleo Endelevu. SDG Tanzania ni utaratibu wa ufadhili wa pamoja ulioanzishwa ili kuunga mkono Mfumo wa Ushirikiano Endelevu wa Umoja wa Mataifa (UNSDCF) wa Jamhuri ya Muungano wa Tanzania, 2022-2027.

Maelezo mafupi: Elisabeth Jacobsen, Norwegian Ambassador to Tanzania and Mr. Zlatan Milisic, UN Resident Coordinator in Tanzania during the signing ceremony.

© UN Tanzania/ Istan Mutashobya Chanzo cha Picha

UNSDCF inalenga kupunguza umaskini kwa sehemu kubwa nchini Tanzania kupitia mageuzi, kijani kibichi, ukuaji wa uchumi na maendeleo endelevu, kulingana na Ajenda ya 2030 ya Maendeleo Endelevu, SDGs, na vipaumbele vya kitaifa. Mchango wa Norway utajikita katika kusaidia programu za pamoja zinazohusisha mashirika na washirika wengi wa Umoja wa Mataifa, kwa lengo la kutumia utaalamu mkubwa wa Umoja wa Mataifa katika maeneo mbalimbali kwa ajili ya kuleta matokeo chanya na makubwa zaidi ya maendeleo.

Bjørg Sandkjær, Katibu wa Maendeleo ya Kimataifa wa Norway ambaye yuko ziarani nchini Tanzania kwa sasa alisema, "Tunafuraha kutangaza mchango huu kwa Mfuko wa Kuongeza kasi ya maendeleo endelevu SDG Tanzania. Kupitia Mfuko huu, tunalenga kuchangia kupunguza umaskini kwa sehemu kubwa nchini Tanzania na kuunga mkono hatua za pamoja za Umoja wa Mataifa katika ngazi ya nchi."

© UN Tanzania/ Istan Mutashobya Chanzo cha Picha

Mchango huo unaifanya Norway kuwa mfadhili wa kwanza wa Mfuko mpya wa Kuongeza kasi wa SDG Tanzania. Mratibu Mkazi wa Mashirika ya Umoja wa Mataifa nchini Tanzania, Zlatan Milisic, alitoa shukrani zake kwa kusema, “Tunaishukuru Serikali na wananchi wa Norway kwa mchango huu mpya, ni uthibitisho wa ushirikiano mkubwa kati ya Norway na Umoja wa Mataifa nchini Tanzania, na ahadi ya pamoja ya kuisaidia Tanzania katika kufikia Malengo ya maendeleo endelevu SDGs."

Mfuko wa Kuongeza Kasi ya Malengo ya maendeleo endelevu SDG Tanzania ni mpango wa pamoja kati ya Umoja wa Mataifa na Serikali ya Tanzania unaolenga kukusanya na kuelekeza rasilimali kwa matokeo ya juu na kuleta mabadiliko ili kuharakisha maendeleo ya SDG nchini Tanzania. Mfuko huo unatanguliza juhudi maalum kuhakikisha hakuna anayeachwa nyuma. Mchango wa Norway wa ufadhili unaotegemewa na unaonyumbulika utawezesha Umoja wa Mataifa kukabiliana na vipaumbele na mahitaji ya maendeleo ya Tanzania kwa njia iliyounganishwa na yenye ufanisi zaidi.